????
زائر
 |  موضوع: مــنـــاغشـــات شـــامــــيـــة  الإثنين مارس 09, 2009 7:38 am | |
| لما الشامية تدلل جوزها
الصبح بكير بتساويلو فنجان القهوة وبتحط بالصينية شوية ياسمين وبتجي لعندو بتقلو :
ابن عمي اصحى تئبرني مشان تلحق تكسر الصفرة قبل ما تروح على شغلك
وبس يروح بتهويلو فرشتو لابن عمها وبترش شوية ياسمين او زهر النارنج على فرشتو ووش المخدة
وبتغطيهن مشان المسا بس يجي ينام يلافي فرشتو ريحتها ياسمي او نارنج
والمسا يا عييييييين علمسا بتجي هيك بتشطف ارض الديار لابن عمها وبتعملو نفس اركيلة
وبتحطلو صحن الفاكية ادامو وبتتفتلو تفتيلتين وبتناغشو بشي كم كلمة في يعتبرو شعر بسيط وشامي :
بحبك لو كل نجمة بالسما تحكيها 00
وادعي رب السما هلنجوم يحميها 00
وحياة خلق الارض وكل مافيها 00
شوفتك عندي اغلى من الدنيا ومافيها (هي بصراحة من تاليفي بحب هي الحركات لاني )
مسا الخير لاحلى من العسل لمصفى 00
ولوبايدي لخلي لعلاج الناس شوفتك وصفة 000
وحياة خالق النجوم وصفن بالسما صفا 00
وجهك حبيبي احلى من البدر وازهى واصفى 00(هي كمانة تأليفي )
جارتنا كانت على طول تحكيلنا هيك مشان وقت نتجوز هيك ندلل رجالنا ههههههه والله بتضحك مالها عرفانة شو القصة
وكمان في اغاني شامية كانو النسوان يغنوها اما باليلية او ادام ابن عمها متل :
*** ليموني هالليموني ***
ليموني عالليموني شامي و الله
و أنا حبابي ظلموني يا دخيل الله
يا لابس الألماس قلبك قاسي
ما بدي وجع راسي خافي من الله
يا لابسة الزهري لا تنقهري
ما بنساكي طول عمري صدقيني و الله
شفتا بدق بعودها دخل وجودها
الورد مفتح بخدودها خافوا الله
يا شاكل النرجس قطفك يحرز
و عيونك سور بتغمز يا سلام و الله
ليموني عالليموني شامي و الله
و أنا حبابي ظلموني يا دخيل الله
وهي غنية تانية :
قـومي العبي بحبل اللولو وافردي شعرك على طولو
خليهـن يحكـوا ويقولوا آه يا حـلاوة يا شـامية
قومي العبي بعرق المضعف وأنا لأجـلك رح بضعف
ولو حـلفـوني عالمصحف ما بفوّت هواكِ يا زينـة
قـومي العبـي بحلقاتـك رايـات البيـض راياتك
الله يخلـي لـك حماتـك آه يا حلاوة يا عسـلية
قـومي العـبي بقميصـك كل العرسان على كيسك
الله يخلـي لـك عريسـك أبـو عـيـون عسـلي
ولما بدو الباشا يغسل بتصبلو المي من الابريق الفضة وبعدين بتحطلو
نقطين مازهر مشان يروق حالو
ولما ينام بتحكيلو حكاية صغنونة يا اما مشان يجبلها حلق الماس او انو يبطل يقسى عليها المهم الحكايات فيهن مغزى والقصة ومافيها انو بدها توصلو رسالة عن طريق هي القصص
شو رأيكن بالبنت الشامية قال الي بياخد شامية بيعيش عيشة هنية  |
|
????
زائر
| | موضوع: رد: مــنـــاغشـــات شـــامــــيـــة الإثنين مارس 09, 2009 11:52 am | |
| في حواليكي شو عروس من الشام
هاي نسوان اما بلا |
|
????
زائر
| | موضوع: رد: مــنـــاغشـــات شـــامــــيـــة الجمعة مارس 13, 2009 4:47 am | |
| |
|
????
زائر
| | موضوع: رد: مــنـــاغشـــات شـــامــــيـــة الجمعة مارس 13, 2009 5:25 am | |
| شكرا كتير على المناغشات ......... همة عنجد حلو بس شومالهم البنات الي زينا هههه تقبلي مروري القلب الحزين  |
|
????
زائر
| |
سكرتيرة إبليس
الـمدير العـام
عدد الرسائل : 549
العمر : 35
ماهو الي دفعك للتسجيل بالمنتدى : شطـــارتـي
تاريخ التسجيل : 04/02/2009
| |
????
زائر
| | موضوع: رد: مــنـــاغشـــات شـــامــــيـــة الإثنين مايو 25, 2009 12:45 pm | |
| عنجد يسلمولي الشاميه بس احلى ما في الموضوع الارجيله تقبلي مروري |
|
????
زائر
| |
