كيف تتصرف لو؟؟؟؟؟؟؟؟؟ لجميع الاعضاء والمشرفين وبدنا تفاعل

حبايبي اخترت هالموضوع عشان نصحصح ونشارك بعض ونقيم مستوى تعاملنا نبدا :

اولا: كيف تتصرف لو كنت ماشي بالطريق واجاك عراسك هذاك الحجر ولما التفتت وجدت ان الفاعل طفل.

ثانيا: مستعجل بدك تسافر ودخلت الطيارة ورجعوك لسبب ما؟

ثالثا:دخلت البيت ميت من الجوع امك او زوجتك مش طابخة؟

رابعا:اجاك شحاذ وطلب تمر وما عندك غير حبات منها؟

خامسا:اجاك ضيف وطول القعدة (لزقة)؟

سادسا: برنامج على التلفاز تتابعه بشغف وانقطع التيار؟

سابعا: في محفظتك كل ما تملك وضاعت؟

ثامنا: تعشيت عند صديق ولم يعجبك الطعام ؟

تاسعا: اتتك رسالة من مجهول تهددك بالموت؟

عاشرا: اتاك مناد يقول انت ميت غدا؟؟


ويا ريت اشوف مشاركاتكم واوعدكم بتقييمها والرد عليها بما تستحقه باذن الله

بقي ان اقول تعامل مع الموقف كانه حقيقة

اختكم القلب الحزين

كيف تتصرف لو كنت ماشي بالطريق واجاك عراسك هذاك الحجر ولما التفتت وجدت ان الفاعل طفل
عادي كانه شيء لم يكن بسامحه
دخلت البيت ميت من الجوع امك او زوجتك مش طابخة؟
ببلش اطبخ
اتتك رسالة من مجهول تهددك بالموت؟
بخاف شوي بعدين بقرا المعوذات وخلص اصلن يمكن الموت اريح النا
اجاك ضيف وطول القعدة (لزقة)؟
حسب الضيف ازا انا بحبه بكيف وبضل قاعده معاه وازا ما بحبه بروح بعمللي اشي مفيد
تعشيت عند صديق ولم يعجبك الطعام ؟
باكل لقمتين على الاقل وبشكروا على الاكل
برنامج على التلفاز تتابعه بشغف وانقطع التيار؟
ريلكس بحط راسي وبنام نومه هاديه بدون ضواو
مستعجل بدك تسافر ودخلت الطيارة ورجعوك لسبب ما؟
بحجز بالطيارة القادمه
في محفظتك كل ما تملك وضاعت؟
بصراحه بزعل بس بحاول اعمل الموضوع عادي واجدد الاشياء الي ضاعت
لا سمح الله
ميرسي القلب الحزين على هيك موضوع
كتير حلو موضوعك
تقبلي مروري
moon light

اولا: كيف تتصرف لو كنت ماشي بالطريق واجاك عراسك هذاك الحجر ولما التفتت وجدت ان الفاعل طفل.
عادي بكمل المشي

ثانيا: مستعجل بدك تسافر ودخلت الطيارة ورجعوك لسبب ما؟
يمكن يكون احسن الي عسى تكرهو شيئ وهو خيرا لكم

ثالثا:دخلت البيت ميت من الجوع امك او زوجتك مش طابخة؟
شو بدي اعمل بحشي سندويشه

رابعا:اجاك شحاذ وطلب تمر وما عندك غير حبات منها؟
بعطي اياها حرااااام

خامسا:اجاك ضيف وطول القعدة (لزقة)؟
بطئعله وبتركه لحاله شوي بلكي بفهم

سادسا: برنامج على التلفاز تتابعه بشغف وانقطع التيار؟
بئعد اسب شوي بعدين بسكت شو بدي اعمل

سابعا: في محفظتك كل ما تملك وضاعت؟
بنجن وبسير احكي مع حالي

ثامنا: تعشيت عند صديق ولم يعجبك الطعام ؟
باكل لئمه وبئوم
تاسعا: اتتك رسالة من مجهول تهددك بالموت؟
عادي ما بخاف لئنه ما بئطع الراس الا الركبه

عاشرا: اتاك مناد يقول انت ميت غدا؟؟
ما برد عليه شو ما حد بعلم بالغيب صح

ميرسي على موضوعه الحلو كتير تقبلي مروري خاااالد

انا بالنسبه لالي باخد الموضوع باستهزاء وبسير احكي للناس انا رح اموت بكره وبضحك ههههه وبالنسبه للعباده عادي بصلي زي ما بصلي دائما وبعمل الي كل يوم لازم اعملوا
تقبلي مروري
moon light