قصيدة في رثاء أم.............

القلب يحـزن والمدامـع غزيـرة وفي جوفي نار من لهبها تباكيـت
والدار ظلمة كانـت أمـي تنيـره يايمة وينك من دونك خلى البيـت
قلبي تفطر على الفرقـى المريـرة أمنـت بالله وبقـداره تراضـيـت
الموت حقن وكلـن لـه مصيـره وموت النبي قبلك يايمـة تعزيـت
هذا جلالك وريحـك فـي عبيـره كل يوم أشمه وليـا شفتـه تهنيـت
صوتـك يايمـة يامحلـى أثيـره وحنانـك يمـه يخلنـي تفـديـت
من يوم رحت والمشاعـر أسيـرة محدن افضفض له وبصمتي تسجيت
يايمـه منـه أجـي واستشـيـره يعدلني لي شفت الصواب وتنحيـت
يايمـه كلـن يناظـر فـي حيـرة من يوم رحتي وانا اللي ما تواسيت
أجي دويـخ فـي وقـت الظهيـرة محدن سأل عنـي يقـول تغديـت
وابيـت ليلـي وعيونـي سهيـرة وكـم الليالـي نايـم ماتعشـيـت
ظروفن يمـه تواجهنـي عسيـرة الشكـوى لله بظروفـي تعنـيـت
يوم كنتي عندي وكني أمير ديـرة كلن يناديني ويقول لي تعال هيـت
ويوم رحت يمه وكني في جزيـرة وحيدن فيها عن النـاس تواريـت
ياكم تعلمت مـن معانـي غزيـرة يامنهـل التعليـم منـك تربـيـت
كم قصة قلـت وللماضيـن سيـرة ولي جيت عندك بسواليف تسليـت
أه يايمـه لنظـراتـي الأخـيـرة مليـت كفـي ترابـن ثـم حثيـت
ابشـري يمـه بدعـوات كثيـرة كلما ذكرتـك وللرحمـن صليـت


تئبلو مروري القلب الحزين